PPA naglabas ng abiso sa mga pasaherong sasakay ng barko kasama ang kanilang alagang hayop

Sa nalalapit na paggunita ng Semana Santa, inaasahan na ng Philippine Ports Authority (PPA) ang pagdagsa ng mga pasahero sa mga pantalan.

Ayon sa PPA, inaasahan na ang dagsa ng mga biyaherong uuwi sa kanilang mga probinsya sakay ng barko.

Kaugnay nito ay naglabas ang PPA ng abiso para sa mga biyahero at pasaherong may kasamang alagang hayop sa kanilang pagbiyahe.

Ayon sa PPA, kailangang makipag-ugnayan sa pinakamalapit na tanggapan ng Bureau of Animal Industry – National Quarantine Services o mag-register sa https://nvqsd.bai.gov.ph/#feature upang makakuha ng Shipping Permit at mapayagang maipasok sa mga pantalan at mga barko ang mga alaga.

Kasama rin sa mga requirements ang Veterinary Health Certificate na ibinibigay ng mga beterinaryo. (DDC)