Lolo timbog sa Pateros drug bust
Swak sa kulungan ang isang 70-anyos na lolo na umano’y High-Value Individual (HVI) ang naaresto ng mga tauhan ng Southern Police District (SPD) Drug Enforcement Unit sa isinagawang anti-illegal drug operation sa bayan ng Pateros.
Ang suspek ay kinilalang si Estelito Ramos Raymundo Sr.
Nagkasa ng buy-bust operation ang otoridad sa Flores St., Brgy. San Pedro, Pateros dakong alas-8:00 ng gabi nitong Marso 15.
Narekober ng operating unit ang 1,800 grams ng umano’y marijuana na nagkakahalaga ng ₱216,000, marked money at cellphone.
Nakapiit ang suspek sa SPD DDEU Office at inihahanda na ang pagsasampa ng kasong paglabag sa Comprehensive Dangerous Drugs Act of 2002. (Bhelle Gamboa)
