2 sa 3 drug suspects timbog sa buy-bust ops sa Pasay City

Dalawa sa tatlong drug suspects ang naaresto ng otoridad habang nasamsam ang P3,450,000 na halaga ng umano’y shabu sa ikinasang buy-bust operation sa Pasay City nitong Marso 12.

Kinilala ang mga naarestong suspek na sina Abdulwali Fahad y Mamadra at Alinor Mamad y Menor habang pinaghahanap naman ng otoridad ang isang alyas Brix matapos makatakas sa kasagsagan ng operasyon.

Ayon sa inisyal na report dakong ala- 1:15 ng hapon nitong Linggo isinagawa ng mga tauhan ng Philipppine Drug Enforcement Agency (PDEA) RO IV-A RSET 2, RSET1, NCR SDO at Pasay City Police Sub Station 10 sa harapan ng isang fastfood chain sa Pacifa Drive, Mall of Asia, Brgy 76, Zone 10 sa nasabing lungsod.

Nakumpiska umano ng mga operatiba sa mga suspek ang tinatayang 500 gramo ng ‘shabu’ at marked money.

Inihahanda na ang kasong paglabag sa Comprehensive Dangerous Drugs Act of 2002 laban sa mga suspek. (Bhelle Gamboa)