DPWH may road reblocking sa ilang lansangan sa Metro Manila
Isinasagawa ng Department of Public Works and Highways (DPWH) ang reblocking at repairs sa ilang pangunahing lansangan sa Metro Manila ngayong weekend.
Sa abiso ng Metropolitan Manila Development Authority (MMdA) sinimulan dakong alas-11:00 ng gabi nitong Biyernes,Marso 10 ang pagsasaayos ng DPWH sa EDSA Northbound Mahal Kita Hotel hanggang Taft Avenue; sa Commonwealth Avenue tinatanggal naman ang aspalto nito (rotomilling) (SB magmula Zuzuaregui St., hanggang Luzon Avenue); at Lanuza Avenue malapjt sa Doña Julia Vargas Brgy. Ugong malapit sa Valle Verde 5 & along C-5 Road Doña Julia Vargas intersection paglampas ng stop light sa C-5 Road – Doña Julia Vargas intersection.
Ang mga apektadong kalsada ay bubuksan sa mga motorista sa ganap na alas-5:00 ng madaling araw ng Lunes,Marso 13.
Pinapaalalahanan ang nga motorista na dumaan sa ibang linya o alternatibong ruta upang hindi maabala. (Bhelle Gamboa)
