Oil spill dulot ng paglubog ng MT Princess Empress sa Mindoro umabot na sa Taytay, Palawan

Umabot na sa baybaying dagat ng Barangay Casian, Taytay, Palawan ang epekto ng oil spill na dulot ng paglubog ng MT PRINCESS EMPRESS sa Naujan, Oriental Mindoro.

Hapon Biyernes, March 10, pinuntahan ng mga tauhan ng Philippine Coast Guard (PCG) personnel ang naturang barangay matapos matanggap ang impormasyon na nakapagtala ng oil spill sa lugar.

Ayon sa Coast Guard, humigit-kumulang 159 nautical miles o 295 kilometro ang layo ng Barangay Casian, Taytay, Palawan sa katubigan ng Naujan, Oriental Mindoro.

Nakumpirma naman ng PCG na umabot na nga sa naturang lugar ang oil spill.

Agad na sinimulan ng PCG ang assessment at paglilinis para matiyak ang kaligtasan ng mga residente. (DDC)