Mga labi ng 9 na PDLs inihatid na sa huling hantungan

Siyam na hindi na-claim na mga labi ng Persons Deprived of Liberty (PDL) ang binigyan ng disenteng libing sa NBP Cemetery, New Bilibid Prison Reservation, Muntinlupa City, sa tulong ng General Services Division (GSD) – Civil Engineering Section at New Bilibid Prison (NBP) Cemetery Management Section sa ilalim ng pamumuno ni Engr. Jose P. Tandog kamakailan.

Bago ihatid sa kanilang huling hantungan ang siyam na PDL ay binasbasan muna sila ni CTSInsp Dominic R. Librea, BuCor Chaplain and Chief, Moral and Spiritual Division sa tulong ng CES at tauhan ng NBP CMS.

Ang Bureau of Corrections (BuCor) sa pamamagitan ni Acting Director General,Gen. Gregorio Catapang Jr. AFP (Retired), CESE ay nananatiling tapat sa mandato nito kasama na ang pagbibigay ng mga serbisyong may malasakit sa mga nasasakupan nito. (Bhelle Gamboa)