5 drug suspects timbog; ₱170K ‘shabu’ nakumpiska

Arestado ang limang drug suspects at nasamsam ang umano’y shabu na nagkakahalaga ng ₱170,000 sa ikinasang Oplan Galugad ng otoridad sa Taguig City.

Ang mga suspek ay kinilalang sina Neil Abalayan y Tecson, 43-anyos; Amelia Samonte y Bacsafra, 47-anyos;Jayson Castillo y Masalig, 28-anyos; Wilmark Quioson y Lopez, 25-anyos; at Jofax Lasaga y Colibar, 33-anyos.

Dakong alas-3:30 ng madaling araw ng Marso 9 inaresto ng mga tauhan ng Substation 5 ng Taguig City Police ang limang suspek sa Labao St., Brgy Napindan sa lungsod.

Nakumpiska sa mga suspek ang pitong selyadong plastic sachet na naglalaman ng 25 gramo ng ‘shabu’.

Inihahanda na ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa mga suspek na nakakulong sa detention cell ng Taguig City Police Substation 5. (Bhelle Gamboa)