Cancer awareness program isinagawa ng Las Piñas LGU

Bilang bahagi sa selebrasyon ng Buwan ng mga Kababaihan, nagsagawa ang Lokal na Pamahalaan ng Las Piñas City  ng ilang programa kabilang ang adbokasiya sa pagpapaangat ng kamalayan ng mga mamamayan nito patungkol sa sakit na kanser.

Pinangangasiwaan ng City Health Office (CHO) ang mga programa para sa kababaihang Las Piñeros.

Nabatid na umabot sa 350 na kababaihan ang sumali sa free Zumba classes na handog ng lokal na pamahalaan.

Sa CAA Multipurpose Hall isinagawa ng CHO ang pagkakaloob ng libreng breast examination, chest x-ray, at cervical cancer screening para agad malaman o madetect kung may sakit at mabigyan ng tamang paglalapat ng lunas ang kababaihan.

Ang mga nasabing programa ay sa ilalim pa rin ng inisyatibo nina Mayor Imelda T. Aguilar at Vice Mayor April Aguilar. (Bhelle Gamboa)