Air Force may bagong C-295s Medium Lift Aircraft galing Spain

Dumalo si Pangulong Ferdinand R. Marcos Jr. sa ceremonial turnover ng mga bagong C295 Medium Lift Aircraft at Capability Demonstration Flight ng FA-50PH n Philippine Air Force (PAF).

Sa kanyang talumpati, nagpahayag ang pangulo ng pasasalamat sa bansang Espanya sa kanilang tulong sa pagbili ng bagong C295 at sa pagpapalakas ng posisyon ng bansa sa larangan ng depensa.

Binigyang-pansin din ng pangulo ang kahalagahan ng pagtiyak sa kaligtasan ng mga assets ng Air Force at karampatang pagsasanay ng mga crew at kawani upang mapanatiling ligtas ang lahat.

Nangako ang pangulo na sa ilalim ng kaniyang administrasyon ay magpapatuloy ang pagpapalakas ng kakayahang pangdepensa ng bansa.

Pagkatapos ng turnover ceremony, bilang commander in chief ng AFP, si Pangulong Marcos ang unang sumakay sa FA-50PH.

Tumagal ng 20-minuto ang demonstration flight ayon sa Air Force.

Tatlo ang biniling C-295s Medium Lift Aircraft ng Air Force sa Spain.

Karagdagan ito sa apat na unit na una nang nabili ng PAF noong 2015 at 2019. (DDC)