Las Piñas LGU nakiisa sa pagdiriwang ng 2023 National Women’s Month

Ang Pamahalaang Lokal ng Las Piñas ay nakikiisa sa selebrasyon ng Araw ng mga Kababaihan ngayong buwan ng Marso.

Pinangunahan ni Vice Mayor April Aguilar kasama si City Social Welfare and Development Office (CSWDO) Officer-in-Charge (OIC) Lowefe Romulo ang seremonya ng pagsisimula ng 2023 National Women’s Month, sa Verdant Covered Court, Barangay Pamplona III.

Ang pagdiriwang ngayong taon ay may temang “We for Gender Equality and Inclusive Society”, na kumikilala sa mahalagang tungkulin ng kababaihan sa lipunan na naglalayong makabuo ng hakbang upang talakayin ang magagandang gawain, mga agwat, hamon at pagpapalakas ng pampublikong adbokasiya ng Buwan ng mga Kababaihan sa pamamagitan ng mga aktibidad gaya ng wellness programs, pagtatampok ng KALIPI livelihood products, at pagbibigay parangal sa mga katangi-tanging Juanas. (Bhelle Gamboa)