Malamig na temperatura muling naitala sa Benguet
Muling nakapagtala ng malamig na temperatura sa Benguet ngayong araw ng Martes (March 7).
Ayon sa PAGASA, naitala ang 10.9 degrees Celsius sa Baguio City.
Sa Atok, Benguet, muling naitala ang frost o andap sa mga pananim.
Sa mga larawang ibinahagi ng netizen na si PJ Haight, makikita ang makapal na frost na bumalot sa mga pananim na gulay sa Englandad, Paoay.
Ayon sa PAGASA apektado pa rin ng northeast monsoon o amihan ang buong Luzon. (DDC)
