DPWH may weekend road reblocking sa Pasig at Makati

Magsasagawa ang Department of Public Works and Highways (DPWH) ng reblocking at repairs sa mga kalsada sa Makati City at Pasig City ngayong weekend.

Sa abiso ng Metropolitan Manila Development Authority (MMDA) dakong alas-11:00 ng gabi ng Marso 3 sisimulan ng DPWH ang pagsasaayos sa C-5 Road Southbound (truck lane), Makati City at
Lanuza Avenue panulukan ng Doña Julia Vargas, Barangay Ugong, Pasig City.

Bubuksan sa mga motorista ang apektadong mga kalsada sa Marso 6 sa ganap na alas-5:00 ng madaling araw.

Payo ng MMDA sa mga motorista na dumaan sa mga alternatibong ruta gaya ng Mabuhay Lanes. (Bhelle Gamboa)