Las Piñas City pumasa sa 2022 Good Financial Housekeeping Assessment ng DILG

Pumasa ang Las Piñas City Government sa 2022 Good Financial Housekeeping Assessment ng Department of the Interior and Local Government (DILG).

Kinilala ng DILG ang naging mga hakbang ng Las Piñas LGU kung kaya pumasa ito sa sa loob nang sunud-sunod na siyam na taon mula 2014 hanggang 2022.

Dahil ito sa pagtalima ng lokal na pamahalaan sa mga kriteryang itinakda ng DILG kabilang na rito ang COA Audit Opinion at pagsunod sa lahat ng kinakailangang mga dukomentong pangpinansiyal na naaayon sa Full Disclosure Policy.

Ang pagkakapasa sa Good Financial Assessment ng Las Piñas ay patunay na napananatili nito ang maayos na pamamahala at tamang paggamit o paggasta ng mga pondo para sa pagbibigay ng mas magagandang serbisyo at programa sa mga Las Piñeros. (Bhelle Gamboa)