Isang linggong tigil-pasada itutuloy ng transport groups

Itutuloy pa rin ng mga transport group ang isang linggong tigil-pasada sa kabila ng pagpapalawig sa deadline ng pag-phaseout sa mga tradisyonal na pampasaherong jeep.

Ayon kay Mar Balbuena, chairperson ng transport group na “Manibela”, ang pagpapalawig sa deadline ay tila “pagpapakalma” lamang sa transport sector subalit sa huli ay tuluyan pa din silang mawawalan ng hanapbuhay.

Sinabi ni Balbuena na kasado na ang tigil-pasada na nilahukan ng tinatayang aabot sa 400,000 na public utility vehicles (PUV).

Gagawin ito sa March 6 hanggang March 12 at inaasahang mapaparalisa nito ang transportasyon sa Metro Manila. (DDC)