Mga pasahero hinikayat ng LRTA na makiisa sa “Purple Wednesday” bilang paggunita sa National Women’s Month
Ngayong buwan ng Marso ginugunita ang 2023 National Women’s Month.
Bilang pakikiisa sa paggunita ng National Women’s Month, nagkasa ng “Purple Wednesday” ang Light Rail Transit Authority (LRTA).
Hinikayat ng LRTA ang mga pasahero ng LRT-2 na magsuot ng kulay purple na damit tuwing araw ng Miyerkules sa buong buwan ng Marso.
Ito ay sa March 1, 8, 15, 22 at 29.
Sinabi ng LRTA na ito ay bilang pagsuporta sa gender equality at women’s empowerment.
Hinikayat din ng LRTA ang mga pasahero na magpakuha ng larawan at ibahagi sa Facebook at Twitter gamit ang hashtags na #WEcanbeEquALL at #PurpleWednesdays2023. (DDC)
