Chinese na crew ng isang barko inilikas ng Coast Guard matapos makaranas ng mild stroke

Nagsagawa ang mga tauhan ng Philippine Coast Guard (PCG) ng medical evacuation (medevac) sa isang crew ng Liberian-flagged bulk carrier na MV FPMC B 107.

Ayon sa PCG, nakaranas ng mild stroke ang 48-anyos na Chinese national na si Mr. Jiang Bo.

Ang nasabing dayuhan ang Chief Cook ng barko.

Nag-deploy ang PCG ng medevac sa karagatan ng Legazpi, Albay para ilikas ang pasyente.

Agad dinala sa pinakamalapit na ospital ang dayuhan. (DDC)