February 25, regular working day na ayon sa Malakanyang
Nilinaw ng Malakanyang na hindi parehong holiday ang February 24 at February 25.
Kasunod ito ng proklamasyon na inilabas ng Malakanyang noong Huwebes (Feb. 23) na nagdedeklara sa Feb. 24 bilang special non working day para sa paggunita ng ika-37 anibersaryo ng EDSA People Power Revolution.
Ang Feb. 25 talaga ang petsa ng holiday para sa nasabing okasyon.
Pero dahil natapat ito ng Sabado, iniurong ang holiday sa araw ng Biyernes.
Sa paglilinaw na ibinahagi sa Official Gazette, nakasaad na salig sa pagpapatupad ng holiday economics sa ilalim ng Proclamation No. 90 na inilabas noong November 11, 2022, ang February 24, 2023 na ang deklaradong special non-working holiday sa halip na February 25, 2023. (DDC)
