Pagkakaroon ng exclusive motorcycle lane sa Commonwealth Ave. pinaplantsa na
Nakipagpulong si Metropolitan Manila Development Authority (MMDA) Acting Chairman Atty. Don Artes sa mga kinatawan ng 1 Rider Party list na sina Cong. Rodge Gutierrez at Cong. Bonifacio Bosita.
Ang pagpupulong ay patungkol sa ipatutupad na exclusive motorcycle lane sa Commonwealth Avenue sa Quezon City.
Sa naturang pagpupulong, napag-usapan ang paglalagay ng angkop na distansya ng exclusive motorcycle lane, mga signages, at road markings.
Inaprubahan ng Metro Manila Council noong nakaraang taon ang pagpapatupad ng exclusive motorcycle lane sa Commonwealth Ave. upang mabawasan ang mga aksidente na sangkot ang mga motorcycle riders. (DDC)
