Apat na Most Wanted Persons sa Calabarzon naaresto ng CIDG
Nadakip ng mga tauhan ng Criminal Investigation and Detection Group (CIDG) ng PNP ang apat na MOst Wanted Persons sa Calabarzon sa ikinasang simultaneous operations kaban sa mga wanted individuals sa rehiyon.
Isinilbi ng mga tauhan ng CIDG 4A katuwang ang iba pang law enforcement units ang warrants of arrest laban sa tatlong regional at isang Provincial Most Wanted Persons sa Calabarzon.
Sa report na isinumite kay CIDG Acting Director, PBGEN Romeo Caramat Jr. kinilala ang mga nadakip na sina:
– Jeyboy Sampilio Basilio, alyas Bogart na No. 6 Regional Most Wanted at may kasong Rape
– Ariel Cañeodo Suico na dinakip sa bisa ng arrest warrant para sa kasong Illegal Recruitment
– Al Francis Bicenio Bogtong, na may warrant din sa kasong 2 counts ng Lascivious Conduct, at 2 counts ng Rape by Sexual Assault
– at si Bryan Banot Vergara, na No. 7 Provincial Most Wanted sa Laguna na may warrant of arrest para sa kasong Carnapping (DDC)
