P3.4M na halaga ng shabu nakumpiska sa operasyon ng PDEA sa Cebu at Dumaguete

Tatlong katao ang naaresto sa operasyon na ikinasa ng mga tauhan ng PDEA 7 at PNP sa Cebu City at Dumaguete City.

Ayon sa PDEA 7, nagkasa sila ng buy bust operation katuwang ang mga tauhan ng Cebu City Police Office Station 2 sa Sitio Fatima, Barangay Kamputhaw, Cebu City.

Naaresto sa nasabing operasyon ang isa sa mga suspek na si Marie-Den Barbecho, 40 anyos.

Nakumpiska sa kaniya ang 18 pakete ng hinihinalang shabu weighing na tinatayang P3,400,000 ang halaga, buy-bust money, 2 mobile phones, at iba pang non drug evidence.

Sa Dumaguete City nagsagawa din ng operasyon ang PDEA Negros Oriental Provincial Office at CDEU Dumaguete City Police Station sa Purok Tugas, Barangay Cadawinonan.

Nadakip sa nasabing operasyon ang dalawang provincial target-listed personalities at mag-live in partner na sina Raul Domen, 37, at Amor Nimer, 35.

Nakumpiska naman sa kanila ang P81,600 na halaga ng shabu at buy-bust money.

Inihahanda na ang isasampang kasong paglabag sa RA 9165 laban sa mga suspek. (DDC)