475 naisyuhan ng tiket sa clearing operations ng MMDA
Sa tuluy-tuloy na clearing operations ng Metropolitan Manila Development Authority (MMDA) umabot sa 475 ang nahuli at natiketan sa paglabag sa illegal parking sa mga lansangan sa Metro Manila mula Pebrero 12-18.
Ayon pa sa datos ng MMDA nasa 172 na sasakyab ang natow o nadala sa impounding site at nakumpiska ang 204 na iba’t ibang klaseng obstructions o sagabal sa mga daan.
Ang maigting na clearing operation ng ahensya ay naglalayong paluwagin ang daloy ng trapiko,siguruhin ang kaligtasan ng mga naglalakad, alisin ang mga sagabal tulad ng sasakyan na ilegal na nakaparada sa kalsada at maging sa mga bangketa. (Bhelle Gamboa)
