Biyahe ng mga barko sa Baseport Legazpi at Rapu-Rapu, Albay balik na sa normal

Balik normal na ang operasyon mga barko na may rutang Baseport Legazpi – Rapu-Rapu, Albay at vice-versa.

Ayon sa Coast Guard Station Albay, maaari nang bumiyahe ang MV RMLC FERRY I at MV RRBTC.

Simula pa noong February 16 ay pansamantalang sinuspinde ng Philippine Coast Guard (PCG) Station Albay ang paglalayag na mga sasakyang pandagat na may timbang na 250 gross tonnage pababa.

Ito ay dahil sa masamang panahong naranasan sa lugar nitong mga nakalipas na araw. (DDC)