895 na bagong kaso ng COVID-19 naitala ng DOH sa nakalipas na isang linggo

Nakapagtala ng 895 na bagong kaso ng COVID-19 sa bansa sa nakalipas na isang linggo o mula Feb. 13 hangang Feb. 19.

Ang datos ayon sa Department of Health (DOH) ay 19 percent na mas mababa kumpara sa naitalang mga bagong kaso noong mula Feb. 6 9 hanggang Feb. 12.

Ayon sa DOH, sa 895 na bagong mga kaso, 3 lamang ang severe at critical case.

Habang nakapagtala naman ng 74 na dagdag na nasawi.

Samantala, iniulat din ng DOH na mayroon nang 73,873,958 na fully vaccinated individuals.

Umabot naman na sa 21,500,083 ang nakatanggap ng booster shots. (DDC)