PNP may persons of interest na sa pananambang kay Lanao del Sur Gov. Adiong
May natukoy nang persons of interest ang Philippine National Police (PNP) sa insidente ng pananambang kay Lanao del Sur Gov. Mamintal Adiong Jr.
Nasugatan si Adiong sa nasabing pananambang habang apat ang nasawi.
Ayon kay PNP spokesperson Jean Fajardo, patuloy ang pangangalap ng ebidensya ng pulisya kabilang na ang pahayag ng mga testigo.
Hindi naman nagbigay ng impormasyon si Fajardo tungkol sa pagkakakilanlan ng person of interest.
Pero tiniyak ni Fajardo na may magandang lead na nakukuha ang Police Regional Office ng BARMM.
Apat na aide ni Adiong ang pumanaw nang tambangan sila ng hindi pa nakikilalang suspek sa bayan ng Maguing sa Lanao del Sur.
Ginagamot ngayon si Adiong sa ospital sa Cagayan de Oro City. (DDC)
