Temperatura sa Baguio City bumagsak sa 10 degrees Celsius
Muling nakapagtala ng malamig na temperatura sa Baguio City, Benguet ngayong araw, Feb. 17.
Ayon sa Baguio City Public Information Office, naitala ang malamig na 10.0 degrees Celsius sa lungsod, 5:00 ng umaga.
Noong Huwebes, Feb. 16 ay 14 degrees Celsius ang minimum na temperatura na naitala sa lungsod.
Sa datos naman mula sa PAGASA, nakapagtala din ng malamig na 16 degrees Celsius sa Basco, Batanes.
Habang sa Laoag City, Ilocos Norte ay 17.2 degrees Celsius.
At sa Malaybalay, Bukidnon ay 17.6 degrees Celsius.
Ayon sa PAGASA, umiiral pa rin ang Amihan sa buong Luzon at Visayas. (DDC)
