Spinner Dolphin nailigtas sa Bantayan, Cebu
Nailigtas ng mga otoridad ang isang spinner dolphin na na-stranded sa karagatan ng Barangay Tamiao, Bantayan, Cebu.
Iniulat ng kapitan ng barangay na si Francisco Dela Peña, sa Local Government Unit ng Bantayan ang pagkakatagpo sa lalaking spinner dolphin.
Agad nagsagawa ang Risk Management Unit at Municipal Agriculture Office ng rescue operation.
Pinaniniwalaang na-stranded ang dolphin dahil ang bahaging iyon ng karagatan kung saan siya natagpuan ay culture site para sa seaweeds production.
Agad ding pinakawalan ang dolphin matapos masigurong ligtas at maayos ang kondisyon nito. (DDC)
