Trough ng LPA magpapaulan sa Visayas at Mindanao
Magiging maulan ang Visayas at Mindanao ngayong Valentine’s Day.
Ayon sa PAGASA, apektado ng trough o buntot ng Low Pressure Area ang Visayas at Mindanao na makararanas ng maulap na papawirin na may kalat-kalat na pag-ulan at thunderstorms ngayong araw.
Sa Palawan, bahagyang maulap hanggang sa maulap na papawirin na may isolated na pag-ulan ang mararanasan dahil sa localized thunderstorms.
Habang sa Metro Manila naman at sa nalalabi pang bahagi ng Luzon, makararanas lamang ng mahinang pag-ulan dahil sa Amihan. (DDC)
