17 naaresto sa ikinasang operasyon ng PNP Anti-Cybercrime Group sa nakalipas na isang linggo
Umabot sa 17 katao ang naaresto ng PNP Anti-Cybercrime Group sa mga ikinasa nitong operasyon sa nakalipas na pitong araw.
Ayon sa Accomplishment Report ng PNP ACG, mula Feb. 6 hanggang Feb. 12 ay nagkasa ang kanilang team ng tatlong entrapment operations at 14 na warrant of arrest ang kanilang naisilbi.
Nakapagsagawa din ng 234 na Cyber Patrolling ang PNP ACG na nagresulta sa pag-block ng 119 websites at pag-delete sa 79 accounts at pages na may kaugnayan sa e-Sabong.
Paalala ng PNP ACG sa publiko, kung may reklamo, tanong o suhestyon, maaaring direktang makipag-ugnayan sa official Facebook page ng PNP ACG o tumawag sa hotline number na (02) 723-0401 (loc 7491) at Viber Numbers na 0915-589-8506 o 0966-627-1257. (DDC)
