Top 5 Most Wanted Person ng Las Piñas City arestado

Napasakamay ng otoridad ang isang lalaki na tinaguriang Top 5 Most Wanted Person ng Las Piñas City Police.

Kinilala ni City Police Chief, Col Jaime Santos ang naarestong suspek na si Joel Abaja y Lusong, 44.

Dakong alas-9:30 ng umaga ng Pebrero 13 nagkasa ng operasyon ang mga tauhan ng Warrant and Subpoena Section at Station Intelligence ng Las Piñas City Police sa St. Anthony St., Gloria Compound, Brgy. Pilar, Las Piñas City na nagresulta ng pagkakaaresto ni Abaja matapos silbihan ng warrant of arrest na inisyu ng korte para sa dalawang bilang ng kasong Acts of Lasciviousness in relation to RA 7610.

Pansamantalang nakakulong ang suspek sa detention cell ng pulisya. (Bhelle Gamboa)