“Longest Kiss Contest” ilulunsad sa Naujan, Oriental Mindoro sa Valentine’s Day

Magkakaroon ng paligsahan para sa “Longest Kiss” sa bayan ng Naujan  sa Oriental Mindoro sa Valentine’s Day, Feb. 14.

Sa inilabas na abiso ng Naujan Public Information Office, ang “Longest Kiss Contest” ay bukas para sa lahat ng couples kabilang ang mga kasal na, engaged, magkasintahan, at LGBTQIA+ couples.

Paalala ng Naujan PIO, bawal sumali sa contest ang mga menor de edad.

Idaraos ito sa Liwasang Bonifacio sa naturang bayan.

Ang magwawagi ay maaaring manalo ng cash prize at libreng dinner date. (DDC)