Search and Rescue operations nagpapatuloy para mahanap ang nawawalang 68 anyos na mangingisda sa Naujan, Oriental Mindoro
Patuloy na nagsasagawa ang Pamahalaang Bayan ng Naujan ng Search and Rescue Operations para mahanap ang nawawalang mangingisda mula sa Barangay Estrella, Naujan, Oriental Mindoro.
Araw ng huwebes, Feb. 9 nang iulat ang pagkawala ng mangingisdang si Arturo Oraa, 68 anyos matapos pumalaot sa dagat na sakop ng Brgy. Estrella.
Ang dalawang mangingisda na kasabay na pumalaot ni Oraa na na sina Ramil Cruz at Sharlon Festin ay kapwa natagpuan nang ligtas.
Habang nakita lamang ang bangka ni Oraa sa karagatan.
Gamit ang Patrol Boat mula sa Bureau of Fisheries and Aquatic Resources (BFAR), Maritime Police ng Barangay Sta. Cruz, Naujan at limang (5) bangka mula sa residente ng Barangay Estrella ay nagpapatuloy ang paghahanap sa nasabing mangingisda. (DDC)
