Pangulong Marcos ikinalungkot ang pagkasawi ng dalawang Pinoy sa lindol sa Turkey

Nagpaabot ng pakikiramay si Pangulong Ferdinand Marcos Jr. sa pagpanaw ng dalawang Pinoy sa magnitude 7.8 na lindol sa Turkey.

Ayon sa pangulo nakalulungkot ang impormasyon hinggil sa pagkasawi ng dalawang Pinoy.

Sa kaniyang mensahe, tiniyak ng pangulo na patuloy ang ginagawang hakbang ng embahada ng Pilipinas para ma-beripika ang mga impormasyon hinggil sa mga Pinoy na naapektuhan ng lindol.

“It is with deep regret that we learn of the passing of two Filipinos in the recent 7.8 magnitude earthquake that devastated Turkey,” ayon sa pangulo. (DDC)