2 Pinoy kumpirmadong nasawi sa lindol sa Turkey

Nakapagtala ng dalawang Pinoy na nasawi sa tumamang malakas na lindol sa Turkey.

Sa pahayag ng Philippine Embassy sa Ankara, Turkey iniulat ang pagkasawi ng dalawang Pinoy na kapwa unang napaulat na nawawala sa Antakya.

Nagpaabot ng pakikiramay ang embahada sa pamilya ng mga nasawing Pinoy.

Kinumpirma din ng embahada na mayroong Pinoy na napaulat na nawawala ang natagpuang ligtas sa Antakya.

Tiniyak ng embahada na patuloy na pamumunuan ang Philippine rescue and evacuation para mahanap at matiyak na ligtas ang lahat ng Pinoy sa apektadong mga rehiyon. (DDC)