Hotel sa Cebu nag-alok ng 5 days paid leave sa mga broken hearted na empleyado
Papayagang mag-leave ng limang araw ang mga broken hearted na empleyado ng isang hotel sa Cebu.
Nag-alok ng “5-days break-up Leleave” ang Cebu Century Plaza Hotel sa mga empleyado nilang iniwan ng kasintahan.
Bayad pa rin ang sweldo ng mga empleyado nilang mag-aavail ng 5 araw na leave dahil sa pagiging broken hearted.
Sa post sa Facebook page, sinabi ng hotel na ito ay para makatulong sa kanilang mga broken hearted employees na maka-move on.
“That’s how we value our employees! Di pareho sa imong ex!” ayon sa post.
Sinabi ni Ricardo Dublado, CEO ng Cebu Century Plaza Hotel na alam nila ang hirap ng kalooban ng isang empleyado na mayroong emotional baggage. (DDC)
