Truck na may kargang semento tumagilid sa Maynila
Maagang naperwisyo ang daloy ng traffic sa kahabaan ng Aragon-Mendoza Boulevard sa Maynila matapos tumagilid ang isang truck na may kargang semento.
Ayon sa Metro Manila Development Authority (MMDA) nangyari ang aksidente pasado 5:30 ng umaga ng Huwebes (Feb. 9).
Tumagal ang rescue at clearing operations ang mga otoridad dahil punong-puno ng semento ang truck.
Ayon sa driver ng truck tinatayang aabot sa 48 tonelada ng semento ang karga ng sasakyan.
Patuloy pa ang imbestigasyon kung ano ang naging sanhi ng pagtagilid ng truck. (DDC)
