Lebron James itinanghal bilang all-time leading scorer sa NBA; matapos mahigitan ang puntos ni Kareem Abdul-Jabbar
Si Los Angeles Lakers player Lebron James na ang may hawak ng NBA all-time scoring record.
Sa laban ng Lakers at Oklahoma City Thunder ay naitala ni James ang kaniyang ika-38,388 points.
Dahilan para mahigitan niya ang 38,387 points ni Kareem Abdul-Jabbar.
Tatlumpu’t siyam na taon na hinawakan ni Abdul-Jabbar ang nasabing titulo.
Sa datos ng NBA, nakamit ni James ang rekord matapos ang 20 season sa liga at kabuuang 1,410 games.
Nagpaabot naman ng pagbati kay James si NBA Commissioner Adam Silver.
Maging ang iba’t ibang koponan, kabilang ang kaniyang team na LA Lakers ay nagpahayag ng pagbati at paghanga kay James. (DDC)
