54-anyos na lalaki nahulihan ng P6.9M na halaga ng ilegal na droga sa Dumaguete

Arestado ng mga tauhan ng Philippine Drug Enforcement Agency (PDEA) – Region VII ang isang lalaki matapos mahulihan ng tinatayang isang kilo ng shabu sa Sitio Canday-ong, Dumaguete City.

Ayon sa mga otoridad, aabot sa P6.9 million ang halaga ng nakumpiskang ilegal na droga sa suspek na na si Fernando Saraga, 54-anyos.

Ikinasa ng mga tauhan ng PDEA 7 Regional Special Enforcement Team, PDEA Negros Oriental Provincial Office, at Dumaguete CDEU ang buy bust operation laban sa suspek na nagresulta sa pagkumpiska ng apat na pakete ng shabu, buy-bust money, mobile phone, at iba pang non-drug evidence.

Mahaharap ang suspek sa kasong paglabag sa Section 5 at 11, Article II ng RA 9165. (DDC)