47-anyos na magbababoy sa Batangas kinubra na ang napanalunang P29.7M na jackpot sa lotto

Nakuha na ng 47-anyos na magbababoy ang kaniyang napanalunang jackpot sa Grand Lotto 6/55.

Ang nagwagi ay mula sa Ibaan, Bataan at pag-aalaga ng baboy ang pinagkakakitaan.

Napanalunan niya ang mahigit P29.7 million na jackpot sa Grand Lotto noong Jan. 21 matapos makuha ang winning number combination na 3-44-10-13-23-11.

Sa kaniyang pagpunta sa PCSO main office sa Mandaluyong City para i-claim ang premyo sinabi nitong matagal na siyang tumataya sa lotto sa pangarap na magbago ang kaniyang pamumuhay.

Ayon sa nagwagi, gagamitin niya ang pera para mapaghandaan ang kinabukasan ng tatlo niyang anak at mamumuhunan siya sa pagnenegosyo. (DDC)