Retired CA Justice magsisilbing miyembro ng 5-man advisory group na sasala sa courtesy resignation ng mga pulis

Si Court of Appeals retired associate justice Melchor Sadang ang ikalimang miyembro ng 5-man advisory group na sasala sa mga isinumiteng courtesy resignation ng mga opisyal ng Philippine National Police (PNP).

Binanggit ni Department of the Interior and Local Government (DILG) Sec. Benhur Abalos ang pangalan ng dating mahistrado bilang panghuling miymebro ng advisory group.

Una nang inanunsyo ni Abalos ang iba pang miyembro ng grupo na binubuo nina PNP chief Gen. Rodolfo Azurin, Jr., dating CIDG chief at ngayo’y Baguio City Mayor Benjamin Magalong, dating Defense Sec. Gibo Teodoro, at Office of the Presidential Adviser on Military Affairs Usec. Isagani Nerez.

Ang advisory panel ang magrerebisa sa mga isinumite ng resignation ng mga heneral at colonel sa PNP sa gitna ng isyu sa ilegal na droga. (DDC)