Las Piñas LGU nagkaloob ng free X-ray sa mga residente

Nagkaloob ang lokal na pamahalaan ng Las Piñas City ng libreng X-ray para sa mga residente sa lungsod.

Ito ay bahagi ng Las Piñas LGU sa ilalim ng inisyatibo nina Mayor Mel Aguilar at Vice Mayor April Agular, sa patuloy na pagtiyak sa kalusugan at kapakanan ng mga mamamayan nito.

Pinangasiwaan ng City Health Office ang pagsasagawa ng free X-ray sa mga residente na naglalayong ma-detect o malaman ang mga kaso ng
pulmonary tuberculosis sa komunidad para sa agarang interbensyon at pamamahala.

Sinimulan ng CHO ang kanyang Active Case Finding activities para sa tuberculosis program sa pamamagitan ng libreng x-rays at pangongolekta ng sputum specimen sa TS Cruz Covered Court, Barangay Almanza Dos kung saan daan-daang residente ang lumahok at nakinabang sa programa. (Bhelle Gamboa)