P125 per kilo na SRP sa imported na pulang sibuyas ipatutupad ng DA

Magpapatupad ng P125 per kilo na suggested retail price sa imported na pulang sibuyas ang Department of Agriculture (DA)

Base ito sa utos ni Pangulong Ferdinand R. Marcos Jr. na tipunin ang lahat ng stakeholders para matugunan ang isyu sa overpriced na pulang sibuyas sa merkado.

Ayon sa DA ipatutupad ang SRP na P125 per kilogram sa medium at big-sized imported red onion sa mga palengke sa National Capital Region (NCR).

Epektibo agad ang SRP base sa circular na inilabas ng DA.

Ang SRP sa imported na pulang sibuyas ay tatagal ng 60-araw maliban na lamang kung baguhin o bawiin ng ahensya.

Noong huling linggo ng Disyembre ay umakyat sa P600 per kilogram ang presyo ng sibuyas. (DDC)