DSWD nagbabala sa publiko hinggil sa pekeng “P10K cash assistance”

Pinaalalahanan ng Department of Social Welfare and Development – Eastern Visayas ang publiko kaugnay sa pekeng cash assistance na ipinakakalat sa social media.

Ayon sa DSWD-Eastern Visayas, base sa Facebook post, mayroong ibibigay na P10,000 cash assistance mula sa DSWD sa Jan. 25, 2023.

Ayon sa DSWD, ang lahat ng DSWD Assistance ay dumadaan sa aprubadong proseso at mga otorisadong opisyal ng kagawaran.

Paalala ng ahensya maging mapanuri at huwag magpaloko sa mga ganitong post. (DDC)