Jeep tumagilid dahil sa nakasalubong na kumpol ng bubuyog; 27 ang sugatan

Nakapagtala ng 27 nasugatan nang tumagilid ang isang pampasaherong jeep sa Can-eo, Bontoc.

Kabilang sa nasugatan ang 26 na pasahero at ang driver ng jeep ayon sa datos ng Bontoc Emergency Operations Center.

Ayon sa pahayag ng 22 anyos na driver na si Clarence Ing-inga, may nakasalubong silang kumpol ng mga bububoy habang paakyat sa Chokros-Caneo road patungo sa Poblacion, Bontoc.

Tinangka ng driver na iwasan ang napakaraming bububoy pero nawalan ito ng kontrol at nawalan ng preno dahilan para tumagilid ang sasakyan.

Apat sa mga nasugatang pasahero ang kinailangang dalhin sa Bontoc General Hospital.

Ang iba namang nasugatan ay nilapatan ng lunas sa lugar na pinangyarihan ng aksidente. (DDC)