Dalawang armas at iba pang gamit nakumpiska sa mga miyembro ng NPA sa Calbayog City

Nakumpiska ng mga tauhan ng 43rd Infantry Battalion ng Philippine Army (PA) ang mga armas at iba pang gamit mula sa mga nakatakas na rebelde sa Calbayog City, Samar.

Ayon sa militar, nagsumbong ang mga residente ng Brgy. Cagmanipis at Cangomaod sa Tinambacan District, dahil sa pangingikil sa kanila ng mga tauhan ng NPA.

Kabilang umano sa hinihingi ng mga rebelde ay bigas, asin, at de lata.

Dahil dito agad rumesponde ang mga tauhan ng 43IB na nagresulta sa engkwentro.

Bagaman nakatakas ang mga rebelde, naiwan nila ang dalawang armas at mga kagamitan kabilang ang ilang pagkaing nakulekta nila sa mga residente. (DDC)