Kasunduan ng pamahalaan sa kumpanyang Grab, lilikha ng kalahating milyong trabaho

Nakipagkasundo si Pangulong Ferdinand R. Marcos Jr. sa ride-hailing service na Grab na maaaring makalikha ng kalahating milyong trabaho.

Nakipagpulong ang pangulo sa mga opisyal ng Grab Holdings Inc. para talakayin ang rekomendasyon ng Grab na i-modernize ang transportasyon sa bansa.

Sa nasabing pulong ay nangako si Anthony Tan, CEO at co-founder ng Grab na lilikha ng maraming trabaho sa bansa ang kanilang panukala.

Nagpahayag naman ng interes ang pangulo sa panukala ng Grab dahil makatutulong ito upang mas mapababa pa ang unemployment rate sa bansa.

Target ng Grab na makalikha ng mas marami pang trabaho hindi lamang sa Metro Manila kundi maging sa Davao, Cebu at Iloilo. (DDC)