Halos 400 aftershocks naitala matapos ang magnitude 6 na lindol sa Davao de Oro
Nakapagtala na ang Phivolcs ng halos 400 aftershocks matapos ang tumamang magnitude 6.0 na lindol sa Davao De Oro, Miyerkules (Feb. 1) ng gabi.
Ayon sa Phivolcs, hanggang alas 2:00 ng hapon ng Feb. 2 ay umabot na sa 383 aftershocks ang naitala.
Nasa magnitude 1.3 hanggang 3.6 ang naitalang mga aftershocks.
Una nang sinabi ng Phivolcs na maaaring magpatuloy pa ang mararanasang mga aftershocks sa lalawigan matapos ang malakas na pagyanig. (DDC)
