46 na sakay ng lumubog na bangka sa Palawan nailigtas ng Coast Guard

Nailigtas ng mga tauhan ng Philippine Coast Guard (PCG) ang 46 na sakay ng isang bangka na lumubog habang nasa karagatang sakop ng Balabac, Palawan.

Lulan ng motorbanca, na JATROPHA ang 41 pasahero at 5 crew nang hampasin ito ng malalakas na alon sa Caboang Bay, Barangay Salang.

Pinasok ng tubig ang bangka na patungo sana sa Buliluyan, Palawan dahilan para lumubog ito.

Agad nagsagawa ng search and rescue (SAR) operations ang mga tauhan ng PCG para mailigtas ang mga pasahero at crew ng bangka.

Pawang nasa maayos naman silang kondisyon nang dumating sa Barangay Salang. (DDC)