15 opisyal ng Coast Guard nanumpa kay Pangulong Marcos

Pinangunahan ni Pangulong Ferdinand “Bongbong” Marcos Jr. ang panunumpa ng 15 na opisyal ng Philippine Coast Guard (PCG).

Ang nasabing mga opisyal ay pawang na-promote dahil sa kanilang galing at kwalipikasyon na punan ang ilang mahahalagang posisyon sa PCG.

Nangako ang pangulo sa PPCG na susuportahan ito ng kaniyang administrasyon lalo na sa misyong protektahan at bantayan ang karagatan na sakop ng Pilipinas at labanan ang mga krimen na mangyayari rito.

Kumpiyansa rin ang pangulo na gagampanan ng coast guard ang kanilang tungkulin sa pagprotekta ng bansa at para masiguro ang kaligtasan ng mga Pilipino. (DDC)