REAL LIFE CINDERELLA? Wedge sandal na walang kapares naiwan sa Treasury Market Division sa Baguio
Nanawagan ang Public Order and Safety Division ng Baguio City sa may-ari ng wedge sandal na natagpuan sa Treasury Market Division Office.
Sa Facebook post ng Public Order and Safety Division, nakita ang walang kapares na wedge noong Jan. 23.
Pinaniniwalaang nahulog ito mula sa gamit ng may-ari dahil bago pa ito.
Ang brand ng sapatos ay M Style at Size 38.
Maaari itong makuha sa Ground Floor ng Block 4 sa Hilltop Road.
Para mai-claim, kailangan lamang ipakita ang kapares nito.
Biro pa sa post, maaari ding magdala ng Prince Charming na magsusuot ng sandal sa may-ari nito. (DDC)
