Alagang hayop papayagan na sa LRT-2 simula sa Pebrero
Simula February 1 ay papayagan na sa LRT-2 ang mga alagang hayop.
Sa press briefing sinabi ni Light Rail Transit Authority (LRTA) administrator Hernando Cabrera na layon nitong gawing “pet-friendly” ang train system.
Paalala naman ni Cabrera sa mga pet owner, ang kanilang mga alaga ay dapat bakunado, nakalagay sa pet carriers o cages at nakasuot dapat ng diaper kapag isasakay sa tren.
Maliliit na alaga lamang din ang papayagan sa loob ng tren.
Nagsasagawa na ng briefing ang LRTA sa kanilang mga security personnel hinggil sa nakatakdang pagpapatupad ng bagong polisiya. (DDC)
